Erlinsbach Solooodurn
Am 12:30 simmer in „alter frische“, so wie sichs ghört, am fasisunntig ab Untersiggethal uf Erlinsbach an Fasiumzug gstartet.
Nach churzem istah, isch es am 13:30 losgange.De Umzug isch cheibe lang gsii und bem Rhytmus hets so richtig nach „Brooklin‘er Art“ giiiget :)
Nachm Umzug hemmer nachli ziit gha zum sii, bis zu eusem Uftritt am drüüü.
Vor zahlrichem Publikum, ob gross oder chli hämer einisch meh euses Beschte dörfe geh. Bes zo eusem Gugge-Pingpong met de Erzbachgugger händ die einte gmüetlich es Tee im Barwage gnoh oder e usgiebigi Duschi met Konfetti. Glaub de Simon findet jetzt no Konfetti...
Als Musikalische Abschloss vo dem schöne Tag hämer zäme met de Erzbachgugger nomal dörfe alles geh. Het rechtig Spass gmacht!
im „Andy‘s Place“ hemmer eus kulinarisch dörfe verwöhne lah, danke a dere Stell - isch super gsii.
D‘heifahrt isch met musikalischem (schönem und ned schönem) Gsang undermalt worde und die ganz verruckte - Party - Mitglieder hend sich in Bade na en „Schlummi“ gönnt.
Perkussionschuchi Mädels lönd grüesse und danke….
Patrizia & Sabi
