Am Fasnachts tsischtig, simmer is Pflegezentrum Vivale uf Kirchdorf gange, wo mir die letschte 3 johr scho hend dörfe de Bewohner eh freud mache mit eusere Muusig.
Als Start hämmer eh chline Umzug ums Huuus gmacht, für die Bewohner wo ned hend chönne duse teil neh.
Nach es paar Bilder mit de Bewohner, undere chline stärchig, hämmer zum gmeinsam Ässe, im Restauradn zur Brugg in Baden verschobe, wo mir wie immer mit guetem ässe verchöstigt wurde sind. Im ganze Team zur Brugg es RIISSE Herzlichs Danke schön, wie jedes Johr, immer es mega hammer ässe eus zuebereitet. Es isch also sehr zum Empfähle.
Nachere churze Pause, ischs schlag uf schlag wieter gange. Nöchsti halt Gugge Battle Baden uf em Theaterplatz. Wo mer wieder mit vielne gäst und de Guggene, us de umgäbig, no einisch hend dörfe in Baden zäme geile sound mache und die Fasnacht hend chönne uslüüte. Danke au as Team vom luuzwage, Peace luuz &Happiness, für die immer wieder guete warme Getränk, wo eus immer guet gwärmt het über die ganz ziit in Baden, wo eus ab und zue au vom stüehli ghaue het. :)
