ÄNTLI GOTS LOS
Die einte händ sich am zwoi z'Nacht uf de wäg gmacht nach Lozärn. En Luz i de Hand, Wätter sidefiin, Temperatur perfekt, aso eigentli scho zu warm. Aber macht's nüt! D'freud of die kommend Zit esch riesig. Eifach e bitz omenand leutsche, d'Atmosphäre gnüsse bis ca. am Mittag ond den gots weder richtig Heimat. Mer müend jo no schminke das mer den au Musikalisch chönnd starte.
StädtlifägAIR esch agseit. De Uftritt esch "früeh" am Obet. Aber da änderet nüt dra, das Städtli etz scho super gfüllt esch. De Auftritt het richtig gfäget. Mit em Publikum zäme eschs en richtige Gnuss gsi. Eifach Herrlich.
Fertig, veruhme ond den no e paar trinke in Klingnau. För die einte gots no witer mit em Taxi nach Bade. Will leider Töre ned zue gange esch bi dem gfährt sind no zwoi mit em Zug gfahre...
Usem Zug sind den au zwoi weder Usgstiege....Aber use cho esch ned alles...En Präsidänte chranket i eusem Verein... S'Natel got ned emmer det ane wo de Präsi wot drum eschs weder zrug richtig Klingnau...
Aber de Tag ändet emmer mitme Happy End. Alles was zäme ghört chonnt au weder zäme. Nach somne schöne Tag chas gar ned andersch sie.
Gnüssets wieter
