Nachere lange Nacht stömmer gern weder uf zum an Umzug in Untersiggenthal, organisiert vo de Siggebergstürchler z'goh. Weder stimmt alles zum starte. Vom Wätter bis zum Mineral😊.Umzugsstart mit vielne Zueschauer und so viel Guggene händ au no nie mit gmacht. Das gfallt eus also!!! Nach em Umzug esch no de Uftritt am Chinderball gsi. Spielet locker, hets gheisse. Spielet ruhig meint de Tambi. So hämmer au agfange😉 Bis die 5 Herre i de hinderste Reihe agfange händ. Lieslig esch andersch😊 Töörrröööö was nor got. Aber ned lang. Sie händ denn schnell gmerkt das mer all am grööle sind. I glaub die einte händ d’Instrumänt fasch fortgrüehrt vor schreck...
Im Restaurant Löwen
hämmer den euse Gönnerapéro no dore gfüehrt. Mit "Speis und Trank" hämmer eusi Sponsore, Passivmitglieder und Gönner nochli verwöhnt. Danke em Team vom Löwen för die Unterstützig. Nach 2 Stund singe und trinke hämmer eus ofe Wäg nach Baden gmacht.
I de Stadt hetz scho richtig viel Lüüt gha. Wenns Wätter metmacht klappet alles. 4 Uftritt wartet uf eus. Aber zersch go de Zwätschge Waage Iweihe…
Da sind Uftritt wo mer ned eifach vergisst. Aso emol ned grad sofort😊 Chonnt druf a wie wild das mer tuet. Die einte wo no id Bodega gange sind, die wösset emol no wie die 4 Darbietige gsi sind. Danke för die viele Komplimänt. Bis in die frühen Morgenstunden esch no gange. Vo Fondue ässe inere bekannte Stube bis Lasagne im Probelokal vo de Räbeschläcker. Alles hets geh In Wettige
. Wie au weichi Better mit warmer Decki oder hartem Bode mit Gwändlistoffräschte zuedeckt. Es sind emol all weder ufgwacht am nächschte Morge.
Danke för de Tag mit soviel tollne Lüt!!!
