Am Samstagabend ging es weiter nach Baden. Mit unserem Lutz Töff als wichtigstem Treffpunkt zogen wir durch die Stadt und genossen den Abend. Wir hatten einen super Start am Guggenbrunnen, wo unser Tambi tatkräftig von einem unserer kleinen Gäste beim Dirigieren unterstützt wurde. So konnte der Auftritt ja nur grandios werden. Nach so etwa 3 bis 30 Runden Lutz ging es weiter zum Schlossbergplatz. Der Platz war mittlerweile gut gefüllt – so wie der ein oder andere von uns auch schon. Den Abschluss machte unser Auftritt auf dem Cordulaplatz zu später Stunde. Fasnachtssamstag in Baden – wie immer war’s schön und wir kommen gern wieder.

Fasi Fritig het gstartet! Trotz mässigem Wetter gohts mit em Car in bester Stimmig nach Laufeburg. Chum acho wird denne de Zwätschgetöff rächt igheizt da mer nochli früeh dra sind. Aber Achtung! Mer spelled denne no gell 😊 

Zu denne drü Sousaphoniste wo in Untersiggenthal in Car igstege sind, gsellt sich de lädierti Mäse dezue! Jetzt hemmer scho zwei wo uf de Bühni wo es Hockerli bruched. Mer spelled denne au grad zur Eröffnig vom Fest und legged en grandiose Uftakt ane. 

Mit Zwätschgetöff, eim Rollstuehl, 2 WSFler a Stöck und en ganz en Huufe anderi WSFler verschiebemer uf di Dütschii Siite vo Laufeburg zum d Instrument schomol för de spöteri Uftritt z platziere. 

Im Restaurant Pizzeria Castillo hemer no hüt churzfristig chöne reserviere zum go Znacht esse. Gfühlt en halbe Marathon isches zwar gange um das Resti zfinde, aber gfunde hemmers uf jede Fall. 2 Stund spöter hend dene alli öppis zwüsche de Zäh gha, au wenn di einte usere Pizza Schachtle hend müsse esse anstatt eme Teller. Eb im Resti Teller usgange sind oder ebs Angst gha hend, dass die paar WSFler de Teller zerbreche würde isch noni abschlüssend klärt.

Direkt us de Ferie stossed euses letschte Sousi und di letscht Trompete zu eus und mer fätzed fasch komplett es Surprise Konzert uf de Dütsche Siite ane. 

Mit chli verspötig spelled mer no es letschts Mol am 00:45. Isch denne au de letschti Uftritt uf dere Bühni. D Melody het Gebori und wies sich ghört werd gsunge för sie. De Speaker isch denne uf di glorichi Idee cho, dass s Gebori Chind es Lied dirigiere chönt. Fear of the Dark dirigiert d Melodie mit bravour während sich de Tambi för einisch bi de erste Trompete ihreiht. Usgezeichnet gmacht Melody! 

Verladet und scho wieder sind mer ufem Heiweg. Z Untersiggenthal acho hend es paar WSFler noni gnueg und tobet sich bi de Party vo de Räbefoniker us. Eb alli weder fit und munter parat stönd för de Umzug z Untersiggethal gsehmer denne im nächste Bricht 😊

Schmudo Stans

Äntli gots los.. För die einte hets g’heisse ufstoh am halbi drü i de Nacht und ab nach Lozärn und starte mit de Fasnacht.

Am Nomitag sind denn fasch all weder in Untesiggenthal gsi ond händ gwartet uf de Car…

En neue Chauffeur fahrt mit eus. De erscht idruck zählt😊 De het klappet ond mer händ de Ritschi schnell uf eusere site gha.

In Stans acho esch denn schnell euse Zwätschgetöff im Isatz gsi. Nach e eis oder zwoi Lützli hämmer den de erscht Uftritt ane tätscht. Publikum hets emmer meh geh wo mitgfäschtet het.

Denn hets denn en ufteilig geh. Die einte sind an Spaghettiplausch ond die andere händ en Hot Dog

Zwösche de vielne Lüt gnosse😊

Eifach so schön wieviel lüt do am Fäschte sind und Gugge gnüset.

Sooo…. Zäg do semmer weder. De zwoiti Uftritt esch agseit. Es het lüüt vo noch und fern, und vo ganz fern😉. Sehr viel altbekannti Gsichter händ euse Uftritt gfiiret.

Aber au da esch mol verbi..Zrugg zum Ahänger Instrumänt i lade ond denn nomol chli go Fäschte. De Obet het guet do und morn chas witer goh in Laufeburg.

Guet Nacht und gueti Heifahrt

Gruess vo de Tom Chuchene