25.1.20 14.00Uhr de Ahänger esch aghänkt proviant em Car verstaut, es wird Ziit zom losfahre. Ersti Station Wettige be de Schnöffler. Es esch perfekts sonne Wätter vör de osseuftrett, mer send parat zom es neus lied presentiere. Wäge dem send notürlech au es paari nervös aber das wird scho guet go.
Schön gsi veli bekannti Gsechter wie au Ehremetgleder vo eusem Verein em Publikum z’gseh. Noch eusem solide Auftritt esches den au scho weder wiiter gange em voll usbuechete Party-Car rechtig Böndnerland. Die Fahrt hets weder mol en sech gha, die einte send scho sehr flissig am apperööle gsi. Das esch de zom teil doch chli vel gsi das es paari de scho om di 20.00Uhr weder en Car go Pfüsele send oder e Mineral kuhr händ müesse mache, das mer den vör de Uftrett werder parat gsi esch. Noch dem das weder alli Enstromänt versorget gsi send esch de Party weder wiiter gange. Wos de langsam Ziit worde esch zom hei fahre send de no die letschte Schöfli zäme gsuecht worde, das au jo alli weder de wäg en Aargau fended. Do de Carparkplatz sehr chli gsi esch het öpper entschlosse mer chan doch es paar Pföste usbaue, das Claudia nor mues grad us Fahre ond ned no ergendwelchi könstöck met em Car mues mache. Also wärchzüg bsorget Pföste weg ond mer händ gmüetlech chönne de heiwäg aträtte. Of de Heifahrt esch d’stemmig ruhig ond usgfalle gsi. Wo mer de weder of eusem Chesplatz a cho send esch de das gröste Chaos minere Guggekarriere los gange. Es send falschi Gwändli ond z’vel Gwändli ipackt worde, so das de am Sonntig eusi Whatsap Groppe heiss gloffe esch. Di einte händ mehreri sache die andere nüt me gha. Ich glaube es het jetzt no gwössi wo nonig eres rechtige Oberteili händ ond eri pullis ergendwo inere andere Täsche händ.
Priiiis ond Blüemli Paedrushka ond di Poiki’s
