Treffpunkt am 5ii in Untersiggenthal für euse letschti Uftritt das Jahr. Dasmal hämer ned wie gwohnt chönne bim Fredy ihstiige, da er wie alljahr sin Advendsmärt gmacht hed. Also hemmer eus bem Schuelhuus besammlet. Det sind e huufe Lüüt vom Adväntsmärt gsi, die einte Bsuecher hend eus dete chlii verdutzt agluegt, wenn da so gschminkti Clöwn zum Car usstiget😅
Wo mer de Ahänger ahghänkt gha hend und ready gsi send, simmer au scho losgfahre rechtig Morschach zu de Fronalp-Chessler.
De Car isch nanie so leer gsii , da velli Mitglieder selber gfahre send.
Mit Glüehgin gstärkt hämer de 1 1/2 Std. wäg uf eus gnah. Chum dobe ahcho, hämer au scho i de Kaffistobe es feins Risotto öbercho. Die einte sind grad dinne sitze bliibe und händ sich wie gwohnt en Meter Zwätschge bstellt. Aber mer wäred ned mer, wenn mer ned ergendwas ahstelled?, so hend eusi Handwerker vom Verein chorzerhand usemne Meter zwei gmacht, indem sie eifach s Holz zämegschrubet hend. Die einte hend chlii komisch gluegt, aber mehr hend de Spass gha.🤪
Nach paar Drinks und guete Gspröch isches au scho los gange be Rege hämmer usglade und eus parat gmacht für euse Uftritt am 20.55 i de Halle. Musikalisch esches e solide Uftritt gsi und stimmig uf de bühni esch super gsi, es hed gfägt.🎉
Nachdem mer au weder alles im Ahänger deponiert hend, send die einte weder rechtig Kafiistobe gstörmt.
Die andere hends bi de Shotbar mitere Ahoii-Bruuse versuecht en wöschmaschine ztrinke😅 Es isch na fein gsii, aber doch ned so das wahre🙈
Scho bald isches weder Zyt gsi, zum heigo. Euse Car isch mit samt Ahänger parat gstande und mehr händ döffe ihstiige. Am 2.00 Uhr hemmer eus weder ufe Wäg rechtig Untersiggethal gmacht. Nur ergendwas isch komisch gsi, ahh mehr hend kei Bier meh gha.. churzerhand hed eusi Carchauffeurin Claudia im vordere Twerebold Car ahglüte wo d HSD dinne gsässe send, zum nachefrage ob sie na Bier hend. Gesagt getan, vor de Autobahn Uffahrt hämmer zmitzt uf de Strass chorz ahghalte und hend nachschub a Bier becho. HERZLICHE DANK LIEBI HÜBELSCHRÄNZER.
Euse Schmaik isch während de Carfahrt nie uf sim Platz gsässe, nei er hed Frontline igno und hed sich als Verchäufer vo de Bettwarefabrik Fischer sin Job recht guet gmacht, während anderi vo de Müdigkeit übermannt worde send.
So isch Carfahrt au schnell verbi gange, die einte sind in Wettige usgstege zum es feins Fondue bim Schmaik go ässe und die andere sind nurna hei is Chörbli.
Mehr chönd sege, de letschti Uftritt vom 2022 isch eus glunge..🥳 bis bald im 2023…
First Trompeteladies Melody und Jasi
