Höt Obets gots los!!! Euses Holdrio esch dore und etz sind "d`Wasserschloss-Fäger "
dra. Chorz nachem Fürobe gots los mit em Car ond de Claudia in grosse Kanton. Euses Ziel esch Inzlinge.
Leider e paar Absänze. Aber wege dem chan mer glich Gas geh. Am Money sölls ned ligge. Euro hämmer emol gnue debi. De Gyros zum Ässe het emol dezue bitreit das mer gnue dorscht gha händ.
Zersch spielt d`Schotte Qlique us Basel...e riese Truppe... Den chömet S hoch 3 us Heitersheim....no die grösser Männertruppe
Ond den händ mer zonere super Zit euse Uftritt. "Auch e chline Truppe usem Aargau chan Musig mache!". Während em spiele chonnt emmer weder en Spruch vom Speaker. Jo richtig ghört "während"...." Mit wenig Leute tönts au der Hammer"...."Im Aargau sind halt ned ganz so viel Lüüt wie bi uns, aber sie sin guet"...Esch no schwierig mit dem Dialäkt zum schriebe
Machts nüt
. Zuschauer hets rechtig viel gha. Ond sie händ no e Zugabe gwönscht. Da het eus guet do ond mer händ en super Uftritt ane gleit. No e paar drunke und denn hämmer den de Wäg zum Car gfunde. Uf dem Wäg zum Fahrzüg hets emol no e paar Lacher geh. Aber alles mue mer ned wösse.... Mer sind den mol hei gange ond de Abschluss mit Fondue het denn de Obet guet abgrundet.
Morn müemer jo au witer. drum guet "N"acht
