Muuuurrrriiii!!!!!Mehr chömet!!! Afahrt mit zwoi Büssli ond Schnee of de Stross. Kei Problem för eusi Fahrer. Es esch so richtig chalt. Usem Bus und ab ofs Fäschtgländ. Rechtig en herrlichi Atmosphäre rund ums Kloster Muri.
De Uftritt hämmer denn im Kaffizelt und zwar 23.15. Da heisst mer chömet am 20.00 a, gönd is Kaffizelt, holet den eusi Instrumänt, legget en Uftitt ane
versorget alles weder ond gönd weder is Kaffizelt
. Bi de eint oder andere esch das au so gsi.
Stiefelinacht esch usverchauft gsi. D`Lüt händ welle go fäschte. Mer händs gmerkt bim Uftritt! Vom Bode unde bis of de Tisch obe händ alli "Fans" mitgmacht. Es riese Gaudi. A de Ustrahlig vo eusne Lüt het mer gmerkt das es klappt het. Ok
e paar Paukeschläg z`viel. De Takt esch ned emmer ganz agno wurde..aber trozdem..esch guet gsi.
Danke Stiefeliryter för de obet. I chönnt no meh schriebe. Aber im Kaffizelt esch es schön warm.
Ergend einisch esch aber glich fertig. Mit ere Reis, mit Reiseführer dur Wettige hämmer d`Nacht denn guet beendet. Abschluss "TschingePi" ond Fondue döf ned Fehle
Mir freuet eus uf nächscht Wocheend
